Бор-Өндөрийн Уулын Баяжуулах Үйлдвэр нь анх 1975 онд БНМАУ-ын Сайд нарын зөвлөлийн дэргэдэх улсын төлөвлөөний комиссын 248-р тогтоолоор жилд 100 мян.тн хүдэр боловсруулах хүчин чадалтай үйлдвэр барих техник, эдийн засгийн үндэслэл баталснаар зураг төсөл, үйлдвэрлэл хайгуулын ажлын эх үүсвэр тавигдаж “Монголсовцветмет” нэгдлийн захиргааны 1981 оны 4 сарын 6-ны өдрийн тушаал хайгуул-ашиглалтын үйлдвэр байгуулагдан 1982 онд хүдэр олборлох гүний уурхай байгуулагдаж улмаар 1985 онд жилдээ 400 гаран мян.тн хүдэр олборлон боловсруулж 118 мян.тн флотацийн баяжмал үйлдвэрлэх төслийн хүчин чадалтай Уулын Баяжуулах үйлдвэр болон өргөжсөн байна.

Бор-Өндөрийн хайлуур жоншны орд нь нийт 20 орчим судал хэлбэрийн хүдрийн биетээс тогтоно.Хүдрийн биетүүд нь 57-90 хэмийн налуу уналттай, гадаргын орчимдоо 10-1175м, гүндээ 180-910м хүртэл сунаж тогтсон ан цавархаг тектоник хагарал ихтэй.Уулын ажил ил, далд аргаар явагдаж байна.

Өнөөдөр Финлянд улсад үйдвэрлэсэн ТОRO-150, Япон улсын KAWACAKI, ОХУ-ын МоАЗ, БНХАУ-ын JKQ-10 маркийн ачигч-тээвэрлэгч машинууд ашиглан 150 гаруй мян.тн хүдэр олборлож байна.

Баяжуулах үйлдвэр нь анх жилд 400 мян.тн хүдэр боловсруулах төслийн хүчин чадалтай байгуулагдсан. Бор-Өндөрийн УБҮ-ийг барьж ашиглалтанд оруулах үед зах зээлд баяжмалын хэрэгцээ их байсантай холбогдуулан баяжуулах үйдвэрийн хүдэр боловсруулах хүч чадалыг 500-600 мян.тн хүргэх өргөтгөлийн төслийг хийсэн.

Баяжуулах үйлдвэрийн боловсруулж байгаа 550-600 мян.тн хүдрийн 400-500 мян.тн нь өөрийн уурхайгаас, бусдыг Өргөний үйлдвэрээс нийлүүлдэг. Баяжуулах фабрик нь ФФ-95, 97, ФФС-95, 97, ФК-75, ФО-75, 85, ФБ-75, 85 баяжмал үйдвэрлэх боломжтой.

           ГЕГ-ын даргын 2009 оны 02 дугаар сарын 20-ны 076 тоот тушаалаар “Монголросцветмет” ХХК-ны БӨУБҮ-ийн 34000м2 бүхий талбайг Гаалийн хяналтын бүсээр зарлуулсан. 2012 оны 4 дүгээр сарын 8-нд ГХБ-ийн хугацааг дахин шинэчлэн батлаж 2 жилийн хугацаатай болгосон.Одоогоор БӨУБҮ нь ГХБ-ийн журамын дагуу үйл ажиллагаагаа явуулан ажиллаж байна.

“Сүхбаатарын Жинчин” ХХК нь 2006 оны 4сарын 03 өдөр хот хоорондын ачаа тээвэрлэх чиглэлээр Сүхбаатар аймгийн Баруун-Урт сумын 3-р багт анх байгуулагдсан. Байгуулагдсанаасаа хойш өргөжин тэлсээр одоогоор удирдлагын захирал, нягтлан, 32 тээврийн хэрэгсэлтэйгээр нийт 34 хүний бүрэлдэхүүнтэй үйл ажиллагаа нь тогтворжсон аж ахуй нэгж болсон.

Үндсэн гүйцэтгэж буй ажил ньСүхбаатар аймгийн нутаг дэвсгэрт харъяалалтай Цайрт Минериаль ХХК –ний Гаалийн хяналтын бүсээс Сайншанд дахь гаалийн хяналтын бүсэд Цайрын баяжмалыг тээвэрлэх дотоодын тээвэрлэлтийн үйл ажиллагааг 9 дэх жилдээ тасралтгүй эрхэлж байна.

       Мөн бүх тээврийн хэрэгсэлд ТТ тоолс ХХК –р GPS төхөөрөмж тавиулсан.Битүүмжлэлийн хучлага ,тросс шинээр хийгдсэн.

Манай компани нь татвараа цаг хугацаанд нь төлж,орон нутгийн хөгжилд хувь нэмэрээ оруулсаар байна. 2014 онд Монгол Улсын Татварын Ерөнхий газрын Дээд шагнал “Хөх дэвтэр” цом, “Шилдэг татвар төлөгч” аж ахуй нэгж байгууллагаар шагнагдаж байсан.

ИнтертрансХХК нь 2002 онд 1 гишүүнтэйгээр улс, хот хоорондын авто тээврийн үйл ажиллагааг явуулах чиглэлтэйгээр ОХУ-д үйлдвэрлэсэн КАМАЗ маркийн 20 автомашинтайгаар үйл ажиллагаагаа эхлүүлэн аж ахуйн нэгж, байгууллага, компани, хувь хүмүүсийн ачааг орон нутагт болон хөрш зэргэлдээ ОХУ, БНХАУ-ын хилийн боомт хүртэл тээвэрлэж байв.

            2003 оноос Хятадын Эрээн хотоос Сүхбаатар аймгийн Төмөртэйн овоо хүртэл уулын баяжуулах үйлдвэрийн тоног төхөөрөмж тээвэрлэж байгаад 2005 оноос тус үйлдвэрийн бүтээгдэхүүн болох цайрын баяжмалыг Цайрт Минерал ХХК-ийн баяжмалын үйлдвэрээс Сайншанд хот хүртэл тээвэрлэлт хийж байв.Тус баяжмалыг тээвэрлэх ажилтай холбогдуулан зарласан тендерүүдэд дотоод, гадаадын олон тээврийн компаниуд оролцож байснаас удаа дараалан шалгарч тээврийн ажлуудыг гүйцэтгэж байна.

            Манай компани:

-Сүхбаатар аймаг дахь Цайрт Минерал ХХК-ийн цайрын баяжмалын үйлдвэрээс Дорноговь аймгийн Сайншанд хүртэл цайрын баяжмал

-Өмнөговь аймгийн Цогтцэций сумын Ухаа худаг дахь “Energy Resources” ХХК-ийн уурхайгаас Цагаан Хад хилийн боомт хүртэл нүүрсний тээвэрлэлтийг тус тус гүйцэтгэж байна.

Интертранс ХХК нь томоохон хэмжээний ажлыг нэгдсэн зохион байгуулалттайгаар гүйцэтгэх боломжийг бүрдүүлсэн, үйлчлүүлэгчиддээ өөрийн хүчин чадал, тээврийн үйлчилгээний талаар үнэн зөв, бодитой, шударга мэдээллээр хангах боломж бүрдүүлсэн, мэргэжлээрээ олон жил ажилласан дадлага туршлагатай жолооч, засварчин, инженер техникийн ажилчдаар бүрэн хангагдсан, 100 % Монгол улсын иргэд ажилладаг үндэсний компани юм.

Тус компани 2008, 2011 онд “ Гаалийн итгэмжлэгдсэн тээвэрлэгч”, 2010 онд “ Улс хоорондын байнгын ачаа тээвэрлэлтийн үйлчилгээ эрхлэх” тусгай зөвшөөрлийг авсан.

Бид нийслэл, дүүргийн найдвартай татвар төлөгч байгууллагаар удаа дараалан шалгарч байснаас гадна 2010 онд Авто тээврийн газрын “ Хүндэт өргөмжлөл” ,Сүхбаатар аймгийн “ Хүндэт жуух бичиг”-ээр шагнагдаж байв.

Манай компани үйл ажиллагааныхаа цар хүрээг өргөжүүлэхийн зэрэгцээ парк шинэчлэлтийг төлөвлөгөөтэйгээр тогтмол хийж байгаа байгууллага юм.